Kersfeesweelde met orgideë

‘n Phalaenopsis-orgidee is die perfekte geskenk vir iemand spesiaals en as versiering kan dit ‘n feestelike tafel in ‘n tropiese droom omskep. 

Phalaenopsis orgideë, ook bekend as ‘mot-orgideë, is bekend vir hul pragtige, langdurige blomme in verskeie kleure en patrone. Hulle kan ‘n elegante gevoel aan enige ruimte gee. Versier hierdie Kersfees met orgideë om ‘n tropiese luuksheid na feestelike tafels en ruimtes te bring. Hier is ‘n paar idees om met orgideë te versier: 

• Tafelversiering: Gebruik orgideë as die fokuspunt vir ‘n tafel en voeg mos, dryfhout, balle, krale, dennebolle, kerse of feetjieliggies en loof by om dit lewendig te maak.

• Dekoratiewe balle: Sit orgideë in deursigtige glas of plastiekballe, versier die tafel daarmee, hang hulle aan ‘n boom of hang hulle van die plafon of in vensters.

• Tropiese uitstallings: Groepeer verskeie pot-orgideë saam vir tropiese weelde.

• Orgideë en kerse: Rangskik kerse saam met pot-orgideë vir ‘n kaggel of sytafel.

• Aksente: Versier jou toegedraaide geskenkboks met ’n orgideeblom, werk dit by feestelike kranse in of hang dit aan ‘n boom. 

Hoekom ‘n Phalaenopsis kies

Daar is verskeie redes waarom orgideë uitstekende huisplante is: 

• Blom vir maande. Hulle hou meer as drie keer langer as snyblomme van dieselfde waarde.  

• Maklik om te versorg.  

• Hul stuifmeel is laag op die allergene-skaal met ‘n 1/10-gradering.  

• Is in baie verskillende kleure te kry.  

• Hulle sal verskeie huishoudelike toestande hanteer, insluitend lae lig. 

Vinnige versorgingsgids

Phalaenopsis-orgideë floreer in helder, indirekte lig en verkies temperature tussen 18°C en 24°C gedurende die dag en effens koeler in die nag. Gee hulle een keer per week water, laat die potgrond tussenin effens uitdroog om wortelverrotting te voorkom. Voed met ‘n gebalanseerde orgideebemesting elke paar weke gedurende die groeiseisoen. Moenie bemes tydens blom nie. 

Hierdie plante is gekweek deur LVG Plants en is beskikbaar by jou plaaslike