DIY-houtkersengele

Handgemaakte Kersversierings het ŉ bekoring wat winkelgekoopte versierings net nie kan ewenaar nie. Dis verrassend maklik om
houtengele te maak, selfs vir diegene wat hulle nie as houtwerkers voordoen nie. Met ŉ paar afvalstukkies dennehout, ŉ bietjie Totim by Woodoc en ŉ stil middag draai hierdie ornamentjies pragtig uit.

Wat jy nodig het:

9 Totim Solvent-Based Exterior Wood Sealer Teak
9 20 mm gelamineerde dennehout
9 30 mm-houtskroef

Stappe

Stap 1: Trek die vorm van jou engel op die hout af (sien bladsy 92 vir sjabloon om uit te knip).

Stap 2: Sny dit met die figuursaag uit.

Stap 3: Skuur die hele oppervlak met ŉ 120-grint-skuurskyf tot glad. Vee daarna met minerale terpentyn af.

Stap 4: Plak ŉ klein blokkie (20 mm x 40 mm) ŉ paar millimeter van die onderkant agterop vas en skroef vas met ŉ 30 mm-houtskroef. Dit laat die engels effens agteroor leun. Plak eers die blokkie vas voor die Totim aangewend word aangesien die verseëlaar kan keer dat die gom vaskleef.

Stap 5: Roer die Totim goed met die roerspaan voor, sowel as gedurende aanwending. Moenie skud of verdun nie. Wend dit met ŉ hoëgehaltekwas aan totdat die oppervlak 10 minute lank blink bly; wend nog produk op dowwe/droë kolle aan. Vee die stof af, vee (nie vryf nie) skoon met minerale terpentyn en laat droog word. Wend nog twee lae so aan (ten minste drie lae).