Kynoch se Tuinjoernaal – Januarie

Liewe Tanya…

Ek wil graag weet hoeveel lig krismisrose nodig het. Hou hulle van halfskadu? Ek sien ’n vriend se plante groei onder bome en dit lyk of hulle te veel skadu kry. Ook wil ek weet of hulle in alkaliese of suur grond moet groei en of hulle ’n deklaag moet kry? – Jan Venter

Hallo Jan,

Krismisrose vaar die beste in ʼn kol wat halfskadu kry – verkieslik oggendson en namiddagskadu. Wat belangrik is om omtrent die grond te onthou, is dat die suurheids- of alkaliniteitsvlak die kleur bepaal – van blou tot pers en pienk. Maak vir ʼn blouer skakering seker jou grond is suur. Knap dit op om meer alkalies vir pienker blomme te wees. ʼn Goeie kompos- of blaarmolmdeklaag ondersteun jou krismisrose. Voed hulle elke vier tot ses weke met ʼn misstof soos Kynoch Garden.

Lekker tuinmaak, Tanya

Help asseblief! Ek wil knoffel in ’n pot kweek. Watter spesiale vereistes het knoffel wat ander kruie nie het nie? Gee my asseblief raad. Ek woon in Pretoria – Sannie

Hallo Sannie,

Plant die bolle in die herfs (Maart of April). Knoffel groei die beste as dit in volson in goed dreinerende en komposverrykte grond geplant word. Verdeel die knoffelbol in aparte huisies wanneer geplant word. Plant elke huisie diep (sowat 5 cm) met die huisie se puntjie wat boontoe wys. Maak seker die grond bedek die puntjie. Druk liggies vas. Spasieer die huisies 15 cm uitmekaar. Bedek met ʼn deklaag. Gebruik goeie gehaltepotgrond in jou potte, of ʼn mengsel van potgrond en tuisgemaakte kompos. Hou die grond klam, maar moenie oorbenat wanneer dit uitspruit nie. Jong plantjies kan gedurende die winter in potte gehou en vroeglente uitgeplant word.

Alles van die beste en lekker tuinmaak, Tanya

Van watter soort grond hou clivias? Ek het 12 plante in kweeksakkies wat ek graag wil uitplant. Watter kompos/grond moet ek gebruik? – Marie

Hallo Marie,

Clivias hou van goed dreinerende humusryke grond verryk met mildelike kompos. Hulle sal gedurende die somer en herfs ook goed vaar met ʼn dosis misstof.

Ek wens jou alles van die beste toe! Tanya

Stuur jou vrae na info@thegardener.co.za met die onderwerpreël Kynoch’s Dirt Diaries.