Calathea-variëteite

Calatheas word ook sebra- of pouplante genoem vanweë hul sterk, geronde blare.

Hulle is fantastiese huisplante, en selfs tuinplante mits jy in ʼn subtropiese gebied is. Hierdie plante kom uit die Suid-Amerikaanse trope en is verwant aan Maranta, die gebedeplant. Die blomme van sommige spesies is nogal skouspelagtig, hoewel die meeste plante eerder om hul blare as hul blomme gekweek word. Plante is beperk wat baie lae ligtoestande in die huis of kantoor kan verdra, hoewel die groot verskeidenheid kleure wat van calatheas verwag kan word, ruimskoots hiervoor vergoed.

Hoe om dit te kweek

Sommige mense vind dit dalk ʼn bietjie moeilik om Calathea-variëteite goed te kweek, hoewel dit meestal redelik maklik is mits die toestande reg is vir die plante. Groot, breë blare is ʼn duidelike aanduiding dat hierdie plante skadutoestande verkies, hoewel hulle dalk opgewasse is teen ʼn bietjie baie vroeë direkte oggendson. Enige direkte son of toestande wat te helder is, sal die blaarkleur “verbleik”. Die meeste mense sukkel met die natmaakdeel van die kweek van die plante. Hulle verkies te alle tye klam maar nie deurdrenkte wortels nie. As die wortels lang tye in die water staan, kan hulle versuip of vrot. Hoë vogtigheid is die beste vir hierdie plante omdat die blare vinnig opkrul of droë kolle maak in toestande met lae vogtigheid. ʼn Potmengsel wat water hou maar steeds goed dreineer, is die beste. Die plante groei ook optimaal in ʼn klonterige veenmengsel. ʼn Vogtigheidsbak onder die plante sal gedurende droër tye die vogtigheid effens aanhelp en tot groot voordeel van die plante wees.

Kies Calathea-plante vir jou huis en tuin

As jy van die sterk kontras tussen diep fluwelige maroen blare en oranje blomme hou, is Calathea crocata vir jou.

Verskillende groen skakerings kan ook subtiel tref. As jy dit verkies, is plante soos Calathea orbifolia, Calathea ‘Freddie’, Calathea ornata ‘Beauty Star’, Calathea lancifolia en Calathea leopardina dalk goeie keuses.

Die beste Calathea-variëteite vir die tuin is Calathea lancifolia, Calathea leopardina, Calathea sanderiana en Calathea ‘Network’. Sekere Calathea roseopicta-variëteite groei slegs in werklik tropiese tuine omdat hul blare in droë of koue toestande merke op sal kry.

Talle variëteite van Calathea roseopicta met blare met groen, maroen en pers patrone vaar goed binne.

Moontlike probleme

Droë kolle of kante kom gewoonlik voor as daar ʼn kombinasie van hoë temperature en lae vogtigheid is. Dit kan ook deur koue wind veroorsaak word.

Blare wat opkrul is ʼn aanduiding dat die plant droog is en water nodig het. Dit is gewoonlik slegs tydelik, maar as die blare te lank droog bly, kan dit terugsterf.

Swart en bruin kolle op die blare, veral jong ontvouende blare, is tekens van bakteriële op die swaminfeksies. Dit kan ʼn probleem raak aangesien die hoë humiditeit waarvan hierdie plante hou die perfekte toestande skep vir hierdie siektes om te vermeerder. Behandel dit met ʼn sistemiese swamdoder en verseker voldoende lugbeweging om bedompige toestande te voorkom.