Manjifieke Mei
Geniet jou tuin dié Mei met hierdie tuingoed.
Spesiale Lugplantgeskenkboksaanbod
Bederf iemand hierdie Moedersdag met ʼn Rare and Air Gift Box. Dit bevat ʼn verskeidenheid pragtige lugplante asook versorgingswenke, lugplantmisstof en geskenkpapier, alles vir R300. Voeg ʼn miniTillandsia xerographica by vir nog R195. Dit maak ʼn baie spesiale geskenk uit vir ʼn spesiale persoon – of vir jouself! Doen aanlyn inkopies oral in Suid-Afrika.
Sae vir alle take
WORX se innoverende drietal, die One-Handed Pruning Saw, JawSaw en Extendable Pole Saw, het snoei makliker, vinniger en baie veiliger gemaak. Die ligte minihandkettingsnoeisaag sal tuintake veel minder uitputtend maak en kan omtrent alles sny. Hierdie handsnoeisaag maak beheerde en vibrasievrye snitte met ʼn snydiepte van 120 mm. Die verlengbare paalsaag is ontwerp met ʼn verlengbare paal wat ʼn bereik van tot 4 m het vir take daar bo. Die JawSaw met outospanning het ʼn staaflengte van 150 mm vir maksimum snoeivermoë en doen hope van alles van die snoei van boomtakke tot die opruim van brokstukke en die sny van brandhout. Die unieke ontwerp laat jou toe om direk op die grond te sny sonder terugslag of skade aan die ketting.
Puik potte vir puik plante
Binnenshuise tuinmaak is steeds gewild, en hierdie potte is in die kol. Bederf jouself of iemand spesiaal met ʼn pragtige ontwerperspotplanthouer, wat verkrygbaar is om by alle dekorstyle te pas. Hierdie ligte potte is in verskillende groottes te kry en sluit ʼn interne natmaakstelsel in om te help om jou plante welig te hou.
Doen aanlyn inkopies by www.horticouture.co.za
Blaar- en Grasversamelaar
Die Gardena Leaf and Lawn Collector het al die voordele van ʼn goeie hark asook verskeie bonusse. Stoot net die versamelaar oor die grasperk en die draaiende spiraalborsels vang klein en groot blare en tuinafval vas en gooi dit in die versamelgebied in. Al die tuinafval wat vir kompos reg is, kan dan met behulp van die maklike afknipfunksie in die komposteerder gesit word. Aangesien dit nie deur ʼn motor aangedryf word nie maar gestoot word is dit stil, volhoubaar en gratis om te werk. Die hoogte kan vir enige persoon verstel word en dis kompak vir berging.
Looking for something?
Follow Us
