Gelaaide skyfies

Read in English

Dié gebruik van bevrore aartappels is doodmaklik en smaak lekker, wat dit ideaal maak vir jou volgende kampeeruitstappie of vleisbraai tuis. Wees ook skeppend met bolae en beproef ʼn paar van jou gunstelingkombinasies.

Bestanddele

500 g bevrore aartappelskyfies

100 g spek, in blokkies gesny

100 g cheddarkaas, gerasper

ʼn Handvol pietersielie, gekap

1 houer suurroom of roomkaas

1 avokado

1 rissie, gekap

Sap van ½ suurlemoen

Sout en peper

Olyfolie

Aluminiumfoelie

Metode

Maak eerste die bolae. Braai die spek in ʼn bietjie olyfolie tot bros en hou eenkant. Sit die avokado, rissie en suurlemoen in ʼn voedselverwerker, geur met sout en peper en meng tot glad. Maak ʼn bakkie van ʼn stuk foelie, sit die bevrore skyfies in en geur met sout en peper. Sit die kaas, spek en pietersielie bo-op en plaas op die rooster van ʼn braaier by matige hitte. Sodra die kaas gesmelt en die skyfies warm is, plaas dit in ʼn opdienbak en sit die suurroom en avokadoroom bo-op. Genoeg vir 4 mense.