Kaas-en-uie-burger

Read in English

Sterk kaas en bros gebraaide ui maak hiervan ʼn ongelooflike klassieke kombinasieburger.

Vir Die Burger:

• 4 vleiskoekies
• 200 g gruyèrekaas of sterk cheddar, gerasper
• Bros uie
• Gesnipperde blaarslaai
• Mayonnaise

Bros uie:

Die krummels hierop is fyngedrukte kaas-en-uie-aartappelskyfies wat die kaas-en-uiegeur versterk.

• 2 wit uie, geskil, in die helfte deurgesny en dan in dun snye gesny
• 100 g (sowat ʼn halwe groot sak) kaas-en- uie-aartappelskyfies wat met ʼn rolstok verkrummel of in ʼn voedselverwerker fyngemaak is
• ¼ koppie mielieblom
• ¼ koppie bruismeel
• ½ teelepel sout
• ¼ teelepel peper
• ¼ teelepel cayennepeper
• Groenteolie vir diepbraai

Meng die soorte meel, sout, peper en cayennepeper saam en voeg genoeg water by vir ʼn beslag om die uie te bedek. Doop die uiestukkies in die beslag en dan in die bros krummels en hou eenkant. Verhit die olie in ʼn kastrol tot warm (170 °C tot 180 °C) en braai die uie in sarsies tot goudbruin en bros. Dreineer die uie op kombuispapier en sit voor op die vleiskoekie met ekstra gerasperde kaas.