Piesangroosterbrood

Die meisies het besluit hulle kan ook ŉ braaier brandmaak en sommer uitstekend braai. In haar boek Girls on Fire doen Camilla Comins net mooi dit met haar eie spesiale flair by die braai. Die resepte is anders, prettig, soms gesond, en daar is iets vir almal, ook vir die kinders. Hier is ŉ uittreksel uit Girls on Fire:

As kind was ek dol hieroor, en hulle word verslind (soms ook deur sluipende volwassenes) wanneer ek dit op ŉ toe braaier gaarmaak. Wanneer jy met die hoofgereg klaar is, kan dit op ŉ lae direkte vuur onder ŉ deksel opgaan.

Bestanddele

6 snye witbrood vir toebroodjies
250 g streepspek
375 ml gerasperde cheddarkaas
2 – 3 piesangs
30 ml heuning

Genoeg vir 4 – 6

Metode

Rooster die brood en hou eenkant. Braai die spek tot bros. Strooi kaas rojaal oor elke sny roosterbrood. Sit ŉ paar spekvleisrepe bo-op, dan piesang en sit op die braaier om bros en gesmelt te raak. Rond af met ŉ bedruipsel heuning.

Girls on Fire word uitgegee deur Jacana Media en is beskikbaar by boekwinkels landswyd.