Braai Fleksitaries
Hoe om ʼn vleiserige Suid-Afrikaanse stapelvoedsel gesonder te maak vir jou en die omgewing.
Suid-Afrikaners is welbekende vleisliefhebbers. Wie kan dan nou afsien van biltong, boerewors en natuurlik die tradisionele vleisbraai? Hoewel ʼn volledig vegetariese of veganistiese leefstyl beslis nie vir almal is nie, kan die vermindering van jou vleisverbruik groot voordele vir jou gesondheid en die omgewing inhou. Voor ons almal ons oë rol en sug oor die absurditeit van ʼn vleislose braai, kom ons oorweeg die voordele en verdryf ʼn paar mites.
Die eet van minder vleis:
Word as goed vir jou gesondheid beskou
Deur ʼn paar maal per week vleis met grane, groente en gesonde vette te vervang, is al met die verlaagde risiko van hartsiekte verbind, en in sommige gevalle is die progressie van hartsiekte werklik omgekeer. Dit kan ook help om cholesterol te verlaag. As jy sukkel om gewig te verloor, kan dit help om minder gereeld vleis te eet omdat sommige navorsingstudies ʼn verband tussen vleisinname en vetsug gevind het.
Is goed vir die omgewing
Klimaatsverandering is vinnig besig om een van die wêreld se kommerwekkendste kwessies te word. Die veebedryf produseer ongeveer 18% van alle mensgemaakte kweekhuisgasse, meer as alle soorte vervoer saam. Ontbossing is ook ʼn bekommernis omdat groot hoeveelhede grond vir veeboerdery nodig is vir die diere en die gewasse om hulle te voed.
Verlaag jou watervoetspoor
Hoewel dit ook ʼn omgewingsfaktor is, is dit veral in Suid-Afrika van belang met droogte wat aan die toeneem is en die gebrek aan waterhulpbronne wat ʼn groot risiko is. Om 1 kg vleis te produseer is tussen 5 000 en 20 000 liter water nodig, en nie veel minder vir suiwelprodukte nie. Huishoudelike waterbesparingsmaatreëls lewer ʼn groot bydrae, maar kan verhoog word deur vleisverbruik te verminder.
Deur minder vleis te eet, beteken nie
Jy moet vleis heeltemal uitskakel nie
Dit is waar die term fleksitariër van toepassing is omdat vegetariese of veganistiese diëte vir baie mense heeltemal onmoontlik is. Navorsingstudies dui daarop dat deur rooivleis en hoender vyf keer per week met vis of plantproteïen te vervang, jou in staat stel om al die gesondheidsvoordele te geniet, maar selfs net een maal per week is ʼn goeie begin. Oorweeg dit om by die Vleislosemaandagbeweging aan te sluit deur eers net te voel hoe die water is en vandaar in te duik!
Jy eet net ʼn bord vol vervelige groente nie
Hierdie misvatting keer diegene wat nie kan dink wat anders om te kook of wat glad nie groente eet nie. Baie mense besef egter nie baie van die kosse wat hulle eet is reeds vegetaries of veganisties, en dat dit nie die een of ander onbereikbare dieet van droë spinasie en tofoe is nie. Dit is dalk moeilik om te dink wat om in plaas van die tradisionele vleis en drie groentes te kook, maar dit kan ook jou horison verbreed met opwindender maaltye van uiteenlopende voedsels en kan van weeklikse aandetes ʼn nuwe familieavontuur maak.
Jy sal nie ʼn tekort aan vitamiene of minerale hê nie
Die ou vraag van waar ek my proteïen vandaan kry, kan maklik beantwoord word omdat daar honderde proteïenbronne is wat nie vleis of selfs suiwel is nie. Terwyl die daaglikse proteïenvereistes van persoon tot persoon wissel, het die gemiddelde persoon sowat 50 g proteïen per dag nodig. Dit kom neer op ongeveer 150 g rooivleis, of ses snye kaas, of 500 g jogurt, of vyf snye volgraanbrood, of 150 g neute. Die sleutel is om nie net een van hulle te kies nie, maar ʼn verskeidenheid, en dan ook groenteproteïene by te voeg. Hoewel dit bekend is dat veganistiese diëte arm aan sekere vitamiene soos B12 is, is dit voldoende om net vleis en moontlik suiwel te beperk om te verseker dat jy aan al jou voedingstofbehoeftes voldoen.
Noudat ons weet waarom, is die vraag hoe
Die blote gedagte aan ʼn braai sonder vleis is amper ondenkbaar, maar dit kan beslis gedoen word. Oorweeg dit om een soort vleis te gebruik en die ander uit te ruil met hierdie gesonde, heerlike alternatiewe, of stel jou daarop in en beproef ʼn volledig vegetariese braai met al die Suid-Afrikaanse geur en al die voordele.
Fleksitaries resepte
Hier is ʼn paar resepte om die tradisionele vleisstapelvoedsels te vervang, saam met ʼn paar bygeregte om die tipiese Griekse slaai en gebakte aartappels op te kikker.
Kekerertjieburgers En Mangosalsa
Pikante Jamaikaanse Jerk-Eierplant-en-Halloumi-Sosaties
Treffende Mediterreense Groente
Looking for something?
Follow Us
